Eqikkaaneq
Nuna tamakkerlugu aammalu nunat tamalaat akornanni COVID-19-imik peqquteqartumik angallattoqaqqusaajunnaarnerata kingorna akunnittarfinni inisisimasunut unnuisunullu naatsorsuutit pingajussaasa takutippaat Kalaallit Nunaat tamakkerlugu akunnittarfinni inisisimasut kiisalu unnuinerit ikileriartut. Taamaakkaluartoq aamma takuneqarsinnaavoq juunimi juulimilu unnuisimasut Kalaallit Nunaanneersut amerlatsissimasut takornarialerisunut ikiorsiissutit aamma nunanut allanut angalanissap toqqissisimanannginnerata kingunerannik, Kalaallit Nunaata iluani angalanissaq kajumigineqarnerusimavoq.
Ukiup siulianut sanilliullugu 2020-mi kvartalit pingajuanni akunnittarfinni unnuisimasut 22.068-inik ikilisimapput unnuinerit 36.159-inik ikinnerusut. Kvartalimi siullermi aappaanilu unnuisimasut unnuinerillu ikilisimasut kvartalit pingajuanni aamma taamaaginnarpoq.
Kvartalit pingasut siulliit ingerlaneranni unnuisimasut 44.944-usimapput unnuinerit 128.569-iusimasut, taakku akunnittarfinnit, vandrehjemminit unnuisarfinniillu allanit 51-iusunit Naatsorsueqqissaartarfimmut nalunaarutigineqarsimapput. Tamanna 2019-imi piffissamut pineqartumut sanilliullugu 50,1 pct.-inik kiisalu 41,3 pct.-inik appariarneruvoq.
Titartagaq 1. 2019-imi 2020-milu 3. kvartalimi unnuisimasut amerlassusaat
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
Tabel 1. 2019-imi 2020-milu 3. kvartalimi unnuisimasut amerlassusaat,
|
|
2019 |
2020 |
allannguut pct.-inngorlugu 2018-2019 |
|
Kalaallit Nunaannit... |
43.494 |
31.283 |
-28,1 |
|
Danmarkimit........ |
24.754 |
8.007 |
-67,7 |
|
Nunanit allanit...... |
18.374 |
2.009 |
-89,1 |
|
Ilisimaneqanngitsut.. |
3.384 |
3.645 |
-7,7 |
|
Katillugit........... |
90.006 |
44.944 |
-50,1 |
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
2020-mi 3. kvartalimi unnuisimasut amerlassusaat
2020-mi kvartalini pingasuni siullerni akunnittarfinni unnuisimasut amerlassusaat 2019-imut sanilliullugit 50,1 pct.-inik appariarput. Qeqqata Kommunia appariaat 58,5 pct.-iulluni annertunerpaavoq.
Titartagaq 2. 2019-imi 2020-milu 3. kvartalimi unnuisimasut amerlassusaat kommuni malillugu
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
(1) Ilulissat Avannaata Kommunianut aamma Kommune Qeqertalimmut kisitsisini tamakkiisuni ilaavoq.
2019-imiit 2020-mut kvartalini siullerni pingasuni akunnittarfinni unnuinerit
Unnuisimasut Kalaallit Nunaanni najugallit juunimi 3,8 pct.-imik aamma juulimi 32,4 pct.-imik siorna taamaalineranut sanilliullugit qaffasinnerupput.
Titartagaq 3. 2019-2020 jan. - sept., Kalaallit Nunaanni najugallit unnuinerat
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
2020-mi kvartalit siulliit pingasut ingerlaneranni akunnittarfinni unnuinerit amerlassusaat 2019-imut sanilliullugit 41,3 pct.-inik appariarput. Ilulissani appariaat 52,0 pct.-iulluni annertunerpaavoq.
Tabel 2. 2019-imi 2020-milu kvartalini pingasuni siullerni unnuinerit amerlassusaat
|
2019 |
2020 |
allannguut pct.-inngorlugu 2018-2019 |
|
|
Kalaallit Nunaannit... |
102.536 |
83.994 |
-18,1 |
|
Danmarkimit........ |
62.206 |
24.774 |
-60,2 |
|
Nunanit allanit...... |
44.665 |
5.673 |
-87,3 |
|
Ilisimaneqanngitsut.. |
9.685 |
14.128 |
45,9 |
|
Katillugit........... |
219.092 |
69.166 |
-41,3 |
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
Titartagaq 4. 2019-imi 2020-milu kvartalini pingasuni siullerni akunnittarfinni unnuinerit amerlassusaat kommuni malillugu
Najoqqutaq: Naatsorsueqqissaartarfik – kisitsisaataasivimmi kisitsisit takukkit: bank.stat.gl/TUNHOT
(1) Ilulissat Avannaata Kommunianut aamma Kommune Qeqertalimmut kisitsisini tamakkiisuni ilaavoq.
Erseqqissaatit
Naatsorsueqqissaartarfik Kalaallit Nunaanni unnuisarfiit amerlanersaannit akunnittarfinniillu annerusunit tamanit ataavartumik nalunaarusiorfigineqartarpoq. Kisitsisillu kisitsisaagallartuupput allannguuteqarsinnaallutillu Naatsorsueqqissaartarfimmi nalunaarutit amingaatigineqartut tiguneqarnerini.
Naatsorsueqqissaartarfiup Visit Greenland suleqatigalungu Kalaallit Nunaanni unnuinermi siniffiit atorneqarsinnaasut amerlassusaat misissorpaa. Tassani ilaatingut unnuisarfinnik akunnittarfinnillu nutaanik misissuisoqarpoq. Tabel A1-imi siniffinnik atorneqarsinnaasunik atuinerup annertussusaa atuarneqarsinnaavoq.
Tabel A1. Siniffinnik atorneqarsinnaasunik atuinerit amerlassusaat, kvartalit pingajuat 2020
|
|
Avannaata Kom. aamma Kom. Qeqertalik |
Ilulissat (1) |
Qeqqata Kommunia |
Kommune Kujalleq |
Kommun. Sermersooq Vest |
Kommun. Sermersooq Øst |
Total |
|
Siniffinnit atorne-qarsinnaasunit atuinerup annertussusaa |
225.680 |
159.896 |
132.304 |
129.649 |
140.508 |
68.461 |
856.498 |
|
Siniffit atorneqarsinnaasut |
258.012 |
176.884 |
154.814 |
142.706 |
188.300 |
72.297 |
993.013 |
|
Siniffinnik atorne-qarsinnaasunit atuinerup annertussusaa pct.-inngorlugu |
87 pct. |
90 pct. |
85 pct. |
91 pct. |
75 pct. |
95 pct. |
85 pct. |
Najoqqutaq: Naatsorsueqqissaartarfik aamma aamma Visit Greenland
2017-i aallanerfigalugu inisisimasunut najugaqarfimminnik nalunaarsorneqarsimanngitsut immikkoortiterinermi ”Ilisimaneqanngitsutut” immikkoortiterneqartalerput. Tamanna sioqqullugu nalunaarsuutini saqqummiunneqarsimasuni pineqartut ”Nunani allaneersutut” nalunaarsorneqartarput.
MALUGIUK – missingersuutit annertupput
Nalunaarsuutit kinguaattooqqanerat peqqutigalugu missiliorlugu unnuisimasut 7,4 pct.-ii kiisalu unnuinerit 9,5 pct.-ii 2019-imi piffissami pineqartumi paasissutissaat tunngavigalugit missingersuutaapput. COVID-19 pissutaalluni missingersueriaaseq maanna atorneqartoq iluarsaanneqassasoq ilimanarpoq.